Tuesday, 26 May 2020

ვლ. პუტინი: "ის, რაც ვერ შეძლო რუსეთის არმიამ, გააკეთეს ქართველი ხალხი"...

წინამდებარე წერილი ეხება რუსეთის მიერ, საქართველოს წინააღმდეგ შემუშავებულ ერთიან გეგმას, ამ გეგმის რიტორიკულ ნაწილს და მის განხორციელებას.   ამ გეგმაში მონაწილეობდა როგორც რუსეთის ოფიციოზი, ასევე ქართული პოლიტიკური სპექტრი, კერძოდ მაშინდელი ოპოზიცია, რომლის დიდი ნაწილი დღეს ხელისუფლებაშია. (შემდეგ ტექსტში - "ქართული ოპოზიცია")
როდესაც 2008. ომი დასრულდა რუსეთის მაშინდელი პრეზიდენტის დიმიტრი მედვედევის და პრემიერ-მინისტრის ვლადიმერ პუტინის მიერ გაკეთდა რამდენიმე განცხადება. მედვედევი- "მიხეილ სააკაშვილი არის პოლიტიკური გვამი"ვლ. პუტინი -"ის რაც ვერ გააკეთა რუსულმა არმიამ, მას გააკეთებს ქართველი ხალხი". ასევე ხშირად იმეორებდა რუსეთის ოფიციოზი, რომ სააკაშვილი არის დამნაშავე რეჟიმის ხელმძღვანელი, რომელმაც დაიწყო ომი. სწორედ ეს იყო იმის ნიშანი, რომ იწყებოდა მასიური შეტევა ქართულ სახელმწიფოზე რუსეთის მხრიდან. ორივე ეს ფრაზა შესაძლოა ჩაითვალოს   იმ საწყისად და სასრულად, რომლის პრაქტიკული განხორციელება დროში უნდა მომხდარიყო. თუ კარგად დავაკვირდებით რუსულ რიტორიკას, რომელიც დღეს ძალიან აქტიურ ფაზაშია და თითქმის მიზნის მიღწევას ცდილობს, დავინახავთ შემდეგ სურათს.
რას გულისხმობდნენ რუსეთის პრეზიდენტი და პრემიერ-მინისტრი ამ ფრაზებში, რატომ გახდა სააკაშვილი პოლიტიკური გვამი და რა უნდა გაეკეთებინა ქართველ ხალხს ისეთი, რაც ვერ გააკეთა რუსულმა არმიამ? საქართველოს მაშინდელ ხელისუფლებას:
1.      არ უნდა დაეწყო საქართველოს ინტეგრაცია დასავლეთთან და ჩრდილო ატლანტიკურ  ალიანსში, რომლის დაპირება საქართველომ ბუქარესტის სამიტზე მიიღო 2008. აპრილში.
2.      არ უნდა მოეხდინათ საქართველოსთვის გეოპოლიტიკური მნიშვნელოვანების მინიჭება, რითაც საქართველო გახდა რუსეთის კონკურენტი კავკასიაში და საფრთხე დაემუქრა რუსეთის კავკასიურ გეოპოლიტიკას.
3.      არ უნდა ეცნო ცხინვალის რეგიონი და აფხაზეთი ოკუპირებულ ტერიტორიებად, თუ იცნეს უნდა მოეხსნათ.
4.      არ უნდა გაეცა პასუხი რუსეთისათვის, რომელიც ცდილობდა საქართველოს სრულ ოკუპაციას.
5.      ცხინვალის რეგიონი და აფხაზეთი უნდა ეცნო მხარეებად ამ კონფლიქტში და რუსეთი არ უნდა დაესახელებინად მხარედ, როგორც ეს ხდებოდა 90-იანი წლებიდან, როდესაც რუსეთმა ფაქტობრივი ოკუპაცია გამნახორციელა ჩვენი რეგიონების.
6.      უნდა გაგვეფორმებინა ამ ანკლავებთან ცეცხლის განუახლებლობის ხელშეკრულება.
7.      არ უნდა გაგვეხადა ეს კონფლიქტები საერთაშორისო მნიშვნელობის და უნდა ვყოფილიყავით რუსეთთან მარტო.
8.      არ უნდა გამოვსულიყავით სნგ-დან.
9.      უნდა გვეცნო რუსული "ახალი რეალობა" კავკასიაში რუსული პრიორიტეტი.
10.  უარი უნდა გვეთქვა საქართველოს ახალ გეოპოლიტიკურ დანიშნულებაზე და აბრეშუმის გზის პროექტები უნდა გავეხადა რუსული გავლენის არეალად.
11.  უნდა გავეხსნა აფხაზეთის რკინიგზა, ხოლო რუსებს ის უნდა ჰქონოდათ ოკუპირებული.
ეს არის იმ საკითხთა მცირე ჩამონათვალი, რომელიც საკაშვილის ხელისუფლებას უნდა გაეკეთებინა, რომ ის რუსეთის ოფიციოზის თვალში არ ყოფილიყო პოლიტიკური გვამი და დამნაშავე რეჟმი. ვინაიდან ეს არ გაკეთდა, რიტორიკულ პლანში და შემდეგ სამოქმედო გეგმაში დასახულ იქნა ამოცანა, რომ მომხდარიყო საკაშვილის პოლიტიკური ძალის დემონიზაცია და საბოლოოდ დროში ის გამხდარიყო დამნაშავე რეჟიმი. რაც გულისხმობდა შემდეგ პოლიტიკურ განლაგებას: საკაშვილის რეჟიმი იქნებოდა ცალკე, როგორც დამნაშავე რეჟიმი, რომელიც გასამართლდებოდა, ხოლო აქეთ იქნებოდა ის პოლიტიკური ძალები, რომლებიც ზემოთჩამოთვლილ მოთხოვნებს დააკმაყოფილებდნენ და ისინი იქნებოდნენ ქართველ ხალხთან ერთად. რაც შეეხება სააკაშვილის რეჟიმის გასამართლებას, ეს იქნება ძალიან დიდი დარტყმა პროდასავლურ მოძრაობაზე და მოხდება ქართველი ამომრჩევლის თვალში პროდასავლური კურსის სრული დისკრედიტაქცია.
ეს რომ ასეა და რუსეთი ამ გეგმის განცორციელებას ჯერ კიდევ 2008. ომის შემდეგ შეუდგა ამას ადასტურებს რუსეთის ოფიციოზისს ერთერთი იდეოლოგის ალექსანდრ დუგინის ინტერვიუ, რომელიც 2011. თებერვალში გამოქვეყნდა, სადაც ის ამბობდა რამდენიმე საინტერესო ფრაზას, რომელიც სისრულეში იქნა მოყვანილი და შესაბამისად ეს პოლიტიკური რიტორიკაც მუშა მდგომარეობაშია შენარჩუნებული.
. დუგინი : “ვფიქრობრომ ახლა რუსეთი სერიოზულად შეუდგება იმ პოლიტიკოსთა ძიებასრომლებიც მას აწყობსრუსეთი ახლა საქართველოს მთელ პოლიტიკურ ელიტას განიხილავსასეთები სხვადასხვა ძალებიანოღაიდელზეალასანიაზეებრალიძესა და სხვებზე დამოკიდებული არ ვართყველა ის პოლიტიკოსივინც ამჟამად ამერიკის პოლიტიკიდან დისტანცირებულიაშესაძლოა კრემლისთვის სასურველი გახდეს.
ამ ფრაზის ანალიზით, რუსეთმა 2008. შემდეგ ახალი თამაში დაიწყო, რომლის დაწყების ნიშანი გამოიხატა დიმიტრი მედვედევის და ვლ. პუტინის ფრაზებში, რომელიც ზემოთ ავღნიშნეთ. ახალი თამაში გულისხმობდა საქართველოს შიდაპოლიტიკურ სივრცეზე გადმონაცვლებას. ამ თამაშის მიხედვით, რუსეთის მიერ საქართველოს შიდაპოლიტიკა დაიყო 2 სფეროდ, რაც გულისხმობს საქართველოში მხოლოდ 2 პოლიტიკური ორიენტაციის არსებობას და გამორიცხავს ალტერნატივას. ეს არის პროამერიკული ძალა, სადაც მოაზრებულია სააკაშვილი და მისი ხელისუფლება, რომლის დემონიზაცია და დამნაშავე რეჟიმად გამოცხადება უნდა მომხდეს, ხოლო მეორე ძალა ეს უნდა ყოფილიყო პროქართული ძალა, რომელიც = პრორუსულს, რასაც თავად დუგინი მშვენივრად განმარტავს ქვემოთ.
ალ. დუგინი;  „რუსეთს პროამერიკული პოლიტიკოსი არ აწყობსრუსეთს აწყობს ის პოლიტიკოსირომელიცპირველ რიგშიქართული ინტერესებით იხელმძღვანელებს.ანუ აქედან ჩვენ შეგვიძლია დავასკვნათ, რომ პროქარტული=პრორუსულს. შესაძლოა მცირე ალოგიკობათ მივიჩნიოთ ეს ყოველივე, მაგრამ საკითხი დგას სულ სხვაგვარად. ეს მომავალზეა გათვლილი. პროქართული, როდესაც საქართველოს საგარეო პოლიტიკის რიორიტეტს ჩამოაყალიბებს ეს იქნება ნეიტრალიტეტი."
ალ. დუგინი: “თუმცა მიმაჩნიარომ ამ საკითხის ასე სწრაფად გადაწყვეტა მოსალოდნელი არ არისიანუკოვიჩის მაგალითზე რუსეთმა მომლოდინეს პოზიციაში ყოფნა ისწავლა და გარკვეული პერიოდის  შემდეგ მიაღწია კიდეც თავისასრადგან ანტირუს პოლიტიკოსებს სასურველი მიზნის მიღწევა არ ძალუძთმაგალითადავიღოთ იგივე იანუკოვიჩი - იგი რუსეთზე იყო ორიენტირებული და ახლა ისეთ მდგომარეობაშიაროდესაც რუსეთს გაზის ფასებთან დაკავშირებულ საკითხებზეყირიმის პრობლემების გადაჭრასთან დაკავშირებით მასზე ზეწოლის მოხდენა სერიოზულად არ შეუძლია და იძულებულია მის ჭკუაზე იაროსაქედან გამომდინარეიანუკოვიჩი ყველა იმ პრობლემას გადაწყვეტსრომელიც იუშჩენკომ არა მარტო ვერ შეძლოარამედ საერთოდ უფსრულამდე მიიყვანაამიტომვფიქრობრომ რუსეთს საქართველოში უნდა აწყობდეს პოლიტიკოსირომელიც აშშ-სგან დისტანცირებულია და პირველ რიგშითავისი ქვეყნის ეროვნული ინტერესებით იხელმძღვანელებს.
 საქართველოში დღეს მიმდინარე პროცესები ნათლად მიუთითებს იმ გარემოებას, რომ რუსეთის მიერ 2008. დაწყებული ახალი თამაში გადამწყვეტ ფაზაში შედის. მომხდარია ყოფილი ხელისუფლების (სააკაშვილის რეჟიმის) დემონიზაცია, მიმდინარეობს მათზე აქტიური შეტევა, მიმდინარეობს პოლიტიკური დევნა, ყველა დონეზე, შესაბამისად დაწყებულია მოძრაობა, რომ სააკაშვილის ხელისუფლება გამოცხადდეს დამნაშავე რეჟიმად, ამას უკვე აცხადებენ სხვადასხვა ადამიანები და იქმნება პოლიტიკური მოძრაობა, რომლის სხდომაც დანიშნულია 2013 წლის 14 აპრილს, რომ მოხდეს რეჟიმის გასამართლება. ასევე მიმდინარეობს აქტიური მუშაობა, რომ მოხდეს საქართველოს დასავლეთისგან იზოლირება და დისტანცირება. საქართველოს ახლანდელი ხელისუფლება, პრაქტიკულად რიტორიკულ ომში იმყოფება დასავლეთთან. უნდა ითქვას, რომ საქართველოს პრემიერ-მინისტრის განცხადება, რომ საქართველოს ხელისუფლებამ სძლია დასავლეთის ზეწოლას მიუთითებს იმაზე, რომ საქართველოს ხელისუფლება არ ცდილობს დასავლეთთან საერთო ენის გამონახვას, ამ განცხადების შემდეგ ევროპარლამენტის ყველაზე დიდ პოლიტიკურ პარტიას გაეგზავნა საქართველოს პარლამენტის და პრემიერ-მინისტრის წერილები და მიღებულ იქნა მემორანდუმი, რომელიც კონფრონტაციული ხასიათისაა. ეს კონფრონტაციული ხასიათი საქართველოს ხელისუფლების აგრესიულ ამომრჩევლებში პოპულარობით სარგებლობს და ამ ნაბიჯებით ხდება საქართველოს დასავლეთის ორიენტაციის დისკრედიტაცია. ევროპაში უკვე საუბრობენ იმაზე, რომ შესაძლოა საქართველოს და ევროკავშირს შორის ასოცირების ხელშეკრულების გაფორმების ვადა ვილნიუსის სამიტზე გადაიწიოს, რომელიც მოიცავს ფართო თავისუფალი ვაჭრობის ხელშეკრულებას ევროკავშირის ქვეყნებთან და უვიზო მიმისვლას ევროკავშირთან.
ამ შემთხვევაში არაფერს ცვლის საქართველოს ამჟამინდელი ხელისუფლების რიტორიკული მტკიცება, რომ ისინი საქართველოს ევროატლანტიკურ არჩევანის ერთგულები არიან. ამაზეც საკმაოდ საინტერესოდ საუბრობს ალ. დუგინი:
ალ.დუგინი : “ერთადერთირაც ახლა მოსკოვმა ზუსტად იცისისაარომ საქართველოში ხისტი პრორუსული პოლიტიკა არ გამოვაახლა სხვა სიტუაციაამოსკოვს მშვენივრად ესმისრომ საქმე მხოლოდ იმ პოლიტიკოსებთან უნდა დაიჭიროსვინც ქართული ინტერესებით მოქმედებსდღეს რომ რომელიმე ქართველმა პოლიტიკოსმა თქვასაფხაზეთსა და “სამხრეთ ოსეთს” ვაღიარებომისი საქმე წასულიაშემიძლია გითხრათრომ რუსეთი მზადაა ითანამშრომლოს თუნდაც სააკაშვილის პოლიტიკისადმი მტრულად განწყობილ პოლიტიკოსებთანრომლებიც მას ამ საკითხის გადაჭრას წაუყენებენთუმცა ეს არ ნიშნავსრომ იგი მზადაამათ ამ საკითხში დაუთმოს”,
ამის ფონზე და გათვალისწინებით საქართველოს ხელისუფლება "არეგულირებს" ურთიერთობებს რუსეთთან და მასთან ხსნის ყოველგვარ კონფრონტაციულ რიტორიკას. ინიშნება სპეციალური წარმომადგენელი რუსეთის ფედერაციასთან მოსალაპარაკებლად, . აბაშიძე, აქტიურად მიმდინარეობს მუშაობა რუსული ბაზრის გახსნაზე, ციხიდან უშვებენ რუსეთის ჯაშუშებს, ცდილობენ შეიტანონ ცვლილებები ოკუპაციის შესახებ კანონში, საუბარია ცხინავლთან და აფხაზეთთან თავდაუსხმელობის ხელშეკრულების გაუქმებაზე, ტრანსკავკასიური რკინიგზის აფხაზეთის მონაკვეთის გახსნაზე და ოკუპირებული ტერიტორიების კონფლიქტის მხარედ აღიარებაზე. ამ ყოველივეს შემდეგ ორი ნაბიჯია საქართველოს გეოპოლიტიკური მნიშვნელოვანების დასასრულამდე.
მთელი ამ პროცესიდან გამომდინარე, სრულ შესაბამისობაში მოდის რუსული გეგმა, რომელიც 2008. აგვისტოს ომის შემდეგ ჩამოყალიბდა და გამოიხატა რუსეთის მაშინდელი პრეზიდენტის . მედვედევის და პრემიერ-მინისტრის ვლ. პუტინის განცხადებებში. გეგმა რომელიც მდგომარეობდა საკაშვილის რეჟიმის დემონიზაციაში, რომელიც თავის თავში მოიაზრებს დასავლური მოძრაობის განადგურება, მარგინალიზაციას და დასავლური ორიენტაციის დისკრედიტაცია დასრულებას, ფინალურ სტადიაში შევიდა. რამდენად მოხერხდება ამ ყველაფრის წარმატებით განხორციელება ამას დრო გვიჩვენებს.

ირაკლი მარგველაშვილი
2013.





Wednesday, 8 April 2020

კორონა ვირუსი და ხელისუფლების მანიპულაციები





საქართველოში დღეს არსებული ვითარება შესაძლოა დავყოთ ვირუსამდე და ვირუსის შემდგომ პერიოდებად. სიტუაცია რადიკალურად შეცვლილია და სულ სხვა ხაზით მიმდინარეობს. სიტუაციის ასეთ განვითარებას ალბათ არავინ ელოდა

ვირუსამდე საქართველოს ხელისუფლება იმყოფებოდა ურთულესს პოლიტიკურ ვითარებაში დაწყებული ზაფხულიდან.  2019წ. ნოემბრიდან ხელისუფლებაზე მიმდინარეობდა უპრეცენდენტო ზეწოლა, მათ მიერ საკონსტიტუციო ცვლილებების ჩაგდების და პროპორციული არჩევნების უკან წაღების გამო. შიდა და საგარეო ზეწოლით მათ მოუწიათ სერიოზული დათმობა და იძულებული გახდნენ მოეხდინათ საკონსტიტუციო ცვლილებების ინიცირება საარჩევნო სისტემის შეცვლისათვის. დღეს ცვლილებები ინიცირებულია პარლამენტში, მაგრამ მისი კანონმდებლობით განსაზღვრული საჯარო განხილვები შეაჩერა ვირუსის გამო შემოღებულმა საგანგებო მდგომარეობამ. ვირუსამდელ პერიოდში ხელისუფლების პოზიციები საშინლად შერყეული იყო, ხოლო მისი პოლიტიკური მდგომარეობა უმძიმესი.

შესაძლოა ითქვას ვირუსმა და საგანგებო მდგომარეობის გამოცხადებამ ერთგვარი მაშველი რგოლის ხასიათი მიიღო “ქართული ოცნებისთვის”.
1.      გაჩერდა პოლიტიკური ცხოვრება;
2.     ხელისუფლებას დარჩა სივრცე თავისუფლად მოქმედებისთვის;
3.     ოპოზიციამ გამოაცხადა მორატორიუმი;
4.     ხელისუფლების კრიტიკა შეწყდა;
5.     პოლიტიკურად აქტიური თემები დაიხურა;
6.     საუბარია მხოლოდ ვირუსზე, სადაც ხელისუფლება არაუშავს გარეგნულად ეფექტურად გამოიყურება;
7.     გამოცხადდა კომენდანტის საათი, სავარაუდიდ ეკლესიის თვითნებობის აღსაკვეთათ, მაგრამ ამის გაკეთება საგანგებო მდგომარეობითაც შესაძლებელი იყო.
8.     მთლიანად გაჩერდა ეკონომიკა, დამძიმდა ისედაც მძიმე ეკონომიკური მდგომარეობა, მოხდა ლარის კიდევ დევალვაცია, იზრდება ფასები....

ვირუსამდელ პერიოდში ხელისუფლებაზე განხორციელებული ზეწოლით მიღებული გადაწყვეტილება, საკონსტიტუციო ცვლილებების განხორციელების და პოლიტპატიმრების განთავისუფლების შესახებ ძალიან მიუღებელი იყო ქართული ოცნებისთვის. ეს იქედანაც ჩანდა, რომ მათ შეთანხმების გაფორმებისთანავე უარყვეს პოლიტპატიმრების განთავისუფლებაზე არსებული გადაწყვეტილება. მოგვიანებით ერთერთი პოლიტპატიმარი ბესიკ თამლიანი გაანთავისუფლეს. დარწმუნებული ვარ ალბათ ნატრობდა ქართული ოცნება, რა უნდა მოეფიქრებინათ ისეთი, რაც მისცემდა საშუალებას, რომ ეს შეთანხმება  ჩავარდნილიყო.... და გამოჩნდა კორონა.
პანდემიასთან ბრძოლის ეგიდით ხელისუფლებამ განახორციელა რიგი ღონისძიებები, ჩაკეტა საჰაერო სივრცე, შემოიღო  საკარანტინე მდოგმარეობა რიგ ადგილებში, გამოაცხადა საგანგებო მდგომარეობა, მოგვიანებით გამოაცხადა კომენდანტის საათი, შეჩერდა მთლიანი ეკონომიკური აქტივობა, დაიკეტა ბაზრობები და ყველა სავაჭრო ობიექტები გარდა სასურსათო და აფთიაქისა...დაიწყო ბრძოლა ვირუსთან და ამჟამად საქართველოში 208 შემთხვევაა დაფიქსირებული, მხოლოდ სამი გარდაცვლილით. ერთი შეხედვით ეფექტური სურათია, თუმცა ეშმაკი დეტალებშია.

ურთულესი მდგომარეობაა ეკონომიკაში, მიმდინარეობს ინფლაცია და ლარის დევალვაცია. ინფლაციამ 6% შეადგინა. მოსახლეობა ურთულეს მდგომარეობაშია. ყველა ეკონომიკური მიმართულება კრიზისშია. ხელისუფლებას არ აქვს არანაირი გეგმა, ეკონომიკური კრიზისის წინააღმდეგ. მინდის აბსოლუტურა დ გაუგებარი და ბუნდოვანი საუბრები ე.წ. “აწარმოე საქართველოს” ფარგლებში რაღაც პროექტების დაფინანსების შესახებ. არაფერი სერიოზული და ანტიკრიზისული.
ამ დროს ხელისუფლება თავს იკავებს შემოიტანოს სწრაფი ტესტები. ცდილობენ მაქსიმალურად გაწელონ დროში ინფექციის გამოვლენა, რომ რაღაც ამოსუნთქვის საშუალება ქონდეთ და სიტუაცია ეჭიროთ, ვინაიდან ინფიცირებულების დიდი გამოვლენის შემთხვევაში ფიქრობენ რომ ვერ გაუძლებს ჯანდაცვის სისტემა და ამხელა პრ  ე.წ. “ეფექტური მუშაობის” წყალში ჩაეყრებათ. დროის გაჭიმვა რომ უნდათ ამას ადასტურებს დაავადებათა კონტროლის ცენტრის დირექტორის ამირან გამყრელიძის განცხადება, რომ თურმე პიკი ივლისში დადგება, ან შესაძლოა აგვისტოში და სექტემბერში. მაშინ როდესაც სხვა ქვეყნების ტენდეციას თუ დავაკვირდებით ბევრი ქვეყანა უკვე გადის პიკს გამოვლენიდან თვენახევარში/ანდა ორ თვეში. საქართველო არაა ისეთი დიდი ქვეყანა, რომ არ მოხერხდეს ამ ვირუსის შეკავება და დასრულება. რა ხდება და რას არის ჩაფიქრებული? რატომ ჭიმავს ხელისუფლება დროს და რას ცდილობს რომ ამ სიტუაციიდან დივიდენდის სახით მიიღოს?

დიდი ეჭვია, რომ ხელისუფლებას მიეცა საშუალება, მძიმე პოლიტიკური პროცესი გადაევადებინა სწორედ კორონა ვირუსის გამო გამოცხადებული საგანგებო მდგომარეობით, ის მაქსიმალურად ეცდება რამდენიმე რამის განხორციელებას;
1.გააგრძელოს საგანგებო მდგომარეობა მინიმუმ ივლისის ბოლომდე, ან შესაძლოა აგვისტოს ბოლომდეც. (იხ. დავადებათ აკონტროლის ცენტრის დირექტორის ამირან გამყრელიძის განცხადება).
2.მაქსიმალურად ეცდება ე.წ. “ეფექტური ღონისძიებებით” (საგანგებო მდგომარეობა, კომენდანტის საათი) დაიკავოს სიტუაცია და საზოგადოება ამყოფოს ამ შიშის ქვეშ.
3.საგანგებო მდგომარეობა გაგრძელდება ე.წ. პიკის მოლოდინით, რომელშიც წარმატებით მონაწილეობს ინფექციონისტთა სამეული. იხილეთ ბატონების თენგიზ ცერცვაძის და ამირან გამყრელიძის გამოსვლები.
4.ხელისუფლებამ სანამდეც შეძლებს უარს იტყვის სწრაფ ტესტებზე. თითქმის მოახდინა ამ იდეის დისკრედიტაცია, ვინაიდან მაქსიმალურად აწყობს გაახანგძლივოს დრო საგანგებო მდგომარეობით, რათა მოახდინოს პოლიტიკური აქტივობის ჩაშლა.
1.საგანგებო მდგომარეობის გაგრძელებით, ჩავარდება საკონსტიტუციო ცვლილებები, საარჩევნო რეფორმა, რაც იყო ხელისუფლების  ცისფერი ოცნება. შესაბამისად ეს გამართლდება სწორედ კორონა ვირუსის პანდემიით.
2.ჩამოშლილი ეკონომიკა მეორეხარისხოვანი პრობლემაა. შესაბამისად ვირუსთან "ეფექტური ბრძოლით" დაიწყებენ ეკონომიკური კოლაფსის გამართლებას.
3.ასევე ეცდებიან სწორედ პანდემიასთან ე.წ. ეფექტური ბრძოლის ფონზე ჩამოირეცხონ მთელი 8 წლიანი ნეგატივი და არჩევნებზე წარსდგენ სრულიად სხვა გაწმენდილ მდგომარეობაში.  
ამიტომ ვფიქრობ, ოპოზიციამ კატეგორიულად უნდა მოითხოვოს და დააყენოს მოთხოვნა, რომ დაიწყოს სწრაფი ტესტირება. ნებისმიერ გამოსვლაში, ნებისმიერ ინტერვიუში ყველა ოპოზიციურმა ლიდერმა უნდა მოითხოვოს სწრაფი ტესტების ჩატარება. ამისათვის არ უნდა მოერიდონ თუნდაც იმ სამი გმირის (გამყრელიძე, იმნაძე, ცერცვაძე) კრიტიკას და დადანაშაულებას, რომ ხელისუფლება იყენებს მათ საკუთარი მანიპულაციებისთვის. ოპოზიციამ უნდა გააკეთოს ერთობლივი განცხადებები ამის თაობაზე. შემდეგ ცალცალკე უნდა იყოს აქცენტი გაკეთებული სწრაფ ტესტირებაზე, რომ საინფორმაციო ველი დაიპყრონ. აქვე მთავარი ხაზი უნდა გაესვას იმას, რომ ხელისუფლება ჭიმავს დროს, რათა გააგრძელოს საგანგებო მდგომარეობა, რომ ჩავარდეს საკონსტიტუციო ცვლილებები, პოლიტიკური ცხოვრება იყოს შეჩერებული…

შემდეგი რაც ოპოზიციამ უნდა გააკეთოს არის ეკონომიკური საკითხები. ესეც უნდა გაკეთდეს ერთობლივად და არა ცალცალკე. შეჯერდეს ერთობლივი პოზიცია ყველა ეკონომიკური მიმართულებით. ერთიანი ოპოზიციის ფორმატში უნდა მოხდეს ეკონომიკური პრობლემების წინ წამოწევა და ხელისუფლების დადანაშაულება, რომ  ხელოვნურად გაჭიმული საგანგებო მდგომარეობა ანგრევს საქართველოს, ხოლო ხელისუფლება მხოლოდ ძალაუფლების შენარჩუნებისთვის იყენებს არსებულ სიტუაციას და მთელი ე.წ. “ეფექტური ღონისძიებები” არის მხოლოდ მანიპულირების საგანი. თუ არ მოხდება ასეთი სახის ზეწოლა ხელისუფლებაზე, ოქტომბერში არაფერი არ შეიცვლება. არც კანონმდებლობა შეიცვლება. ხელისუფლებას კიდევ საპოლიციო რეჟიმით შეინარჩუნებს ბიძინა ივანიშვილი 2024 წლამდე.
ჩემი აზრით ეს კამპანია უნდა დაიწყოს აღდგომის შემდეგ 21 აპრილიდან.

ირაკლი მარგველაშვილი

8.04.2020წ.